سه‌ره‌تای کۆتایی ، کۆتایی سه‌ره‌تاو

سه‌ره‌تای ته‌نیاییم

نووسیت ،ووتت:

با پێکه‌وه‌ له‌سه‌ر بالۆره‌ی جارانمان

ڕێ نه‌که‌ین و، نه‌بینه‌ به‌یتی

گوێ ئاگردانی خه‌ڵك .

ئه‌ڵێ ی : تۆ بناری گۆیژه‌ی منی

له‌ نه‌ورۆزا بۆ دڵداران

ڕه‌شبه‌ڵه‌كم تیا ساز ئه‌که ن

بیرته‌ ئه‌ت ووت

ته‌نها یادی تۆیه‌ خولیام

وینه‌ی تۆیه‌ ، له‌ خه‌ونمدا ،له‌ خه‌یاڵما

وه‌ك تابلۆیه‌کی ئه‌به‌دی

به‌ تافی ئاسمانی

هیواکانمه‌وه‌، له‌ به‌ر چاوما

نامه که‌ته‌ ئه‌یخوێنمه‌وه‌و

تۆ بارانی دڵی سارا ئاسای منی

که‌ ئه‌ڕۆی لام

جامی ده‌ستی گشت ده‌روێشان

ئه‌بێته‌ ژه‌هری مارو

به‌ گه‌رووی که‌ونا

عه‌شقت ئاواره‌ی ،ڕۆژانی کردم و

باڵای خه‌ونه‌کانم به‌رزن

هێنده‌ی هیوای پێك گه‌یشتن

نامه‌که‌ت سه‌ره‌تای کۆتایی یه‌و

تۆ بووی ئه‌ت ووت

له‌گه‌ڵ کازیوه‌ی ڕۆژاندا

به‌‌ نیگاتا هه‌ڵ ئه‌واسرێم

من بووم شه‌وانه‌ ئه‌شڵه‌ژام

له‌ژوانتا ،له‌ژێر تریفه‌ی مانگه‌ شه‌و

سه‌رم له‌سه‌ر سینه‌ت ئه‌بوو

ئه‌ستێره‌ کشاوه‌کانمان ئه‌ژمارد

ئه‌ویان به‌ختی من بوو

ئه‌میان یه‌قباڵی تۆ

ئه‌وی تریان ،چاوی کووژه‌که‌ی

نا.....ئه‌وانه‌ ئه‌ستێره‌ نین

که‌ شه‌سته‌ باران دای ئه‌کرد،

تۆ،

که‌ بۆنی گڵی ته‌ڕ له‌ خاک ئه‌هات

کاتێ که‌ خاك کزر ئه‌بۆوه‌

بۆ پێت ووتم .که‌ کۆچ ئه‌که‌ی؟

باهه‌ر مناڵه‌که‌ی جاران بوومایه‌

به‌دوا عه‌ره‌بانه‌ یایلی یه‌کاندا ڕا بکه‌م؟

با هه‌ر شاعیره‌ مه‌سته‌که‌ بوومایه‌

بۆچی ووتت ئه‌ڕۆم؟

تا له‌سه‌ر شۆسته‌

باله‌ خه‌یاڵتا هه‌ر مه‌ست ئه‌بووم؟

ئێستاش که‌ کۆچت کردو چووی

سینه‌ی به‌رده‌، سه‌رینی

ئه‌م سه‌ره‌ کاسه‌م،

جی ژووانم ماڵی ساردو سڕی شه‌وه‌،

ژوان له‌گه‌ڵ پێکا ئه‌که‌م

له‌گه‌ڵ قه‌ڵه‌ما ئه‌نووم و

له‌ژێر ئا‌سمانی قوپاوی ئه‌م دنیایه‌

له‌سه‌ر زه‌ویه‌کی غلۆر بۆوه‌

خه‌ون ئه‌بینم

ئیستا سه‌ره‌تای کۆتاییمه‌و

کۆتایی سه‌ره‌تا و